Хүн ухаан хүрч, итгэж чадаж байгаа бүхэндээ

Хэрвээ та зодуулна гэж бодож байвал
өөрийгөө зодуулсанд тооц,
Хэрвээ та зүрхлэхгүй хэмээн бодож байвал
зүрх тань хэзээ ч хүрэхгүй,
Хэрвээ та ялалтыг хүсдэг ч чадахгүй гэж бодож байвал ялагдаж л таарна,

Та өөрийгөө ялагдана хэмээн бодож байвал
аль хэдийн ялагдсанд тооц,
Учир нь амжилт, ялалт хүний эр зоригоос эхэлдгийг,
Ухамсраас бүх зүйл шалтгаалдгийг хаанаас ч бид олж харна,
Хэрвээ та өөрийгөө бусдын ард хоцорно хэмээн бодвол
Хоцорч л таарна,
Таныг өргөхийн тулд ухаан санаа тань
Өндөрт хөөрөн нисэх ёстой,
Амжилт гаргаж чадахын тулд өөртөө итгэлтэй байх хэрэгтэй,
Амьдралын тулалдаанд аль хүчтэй нь ялдаггүй,
Аль хурдан нь ч ялдаггүй,
Ялж чадна хэмээн итгэсэн тэр л хүн
эрт орой хэзээ боловч ялалтад хүрдэг...

Эх сурвалж: Бийр бэх-ээс

Цаг бол алт

Өглөө бүр таны дансанд 86400 америк доллар оруулах банк байна гээд та төсөөл дөө. Тэр мөнгөнөөс та хүссэн хэмжээгээрээ авч хэрэглэж болно. Гагцхүү тэр өдөр л өнгөрвөл үлдэгдлийн хэмжээ ямар ч байсан хамаагүй дансны тань тооцоо хүчингүй болно.
Энэ тохиолдолд та юу хийх вэ?
Эцсийн ганц ценийг ч үлдээлгүй авч хэрэглэх байсан байж ч магад. Хэдий бид үүнийг сэтгэлдээ төсөөлж, зөвхөн мөрөөдөж байгаа боловч бодит амьдрал дээр хүн бүхэнд ийм банк бий. Энэ бол ЦАГ ХУГАЦАА.
Тиймээ, цаг хугацаа гэгч энэ банк өөрийн гэсэн хууль дүрэмтэй таны хөрөнгө. Харин ганц ялгаа нь доллар, центийн хооронд, хором мөчүүдийг дансанд тань оруулдаг.
Хэрэв та тухайн өдрийнхөө хормыг үр ашигтай хэрэглэж чадалгүй үлдээвэл тэр бүхэн хог болон хаягдах бөгөөд өөр хэн ч биш та л хохирч үлдэнэ. Дараа өдрийнхөөсөө урьдчилгаа авна гэсэн ойлголт байхгүй.
Тэгэхлээр таны гарт зөвхөн өнөөдөр л байгаа. Өнөөдөр дуусч, маргааш болоход өчигдрийн бүх юм арилж, танд шинэ данс нээгдэнэ.
Гар дахь хөрөнгөө хамгийн үр ашигтай, зөв зарцуулж чадвал тэр бүхэн танд эрүүл, энх, аз жаргал, амжилт бүтээлээр дүүрэн амьдрал болон үлдэнэ.
Цаг хугацаа харван одоход үнэлж баршгүй их баялаг урсана.
Нэг ЖИЛИЙН үнэ цэнийг та
- нөгөөх л ангидаа улирч хоцорсон сурагчаас асуу
Нэг САРЫН үнэ цэнийг та
-Нялх үрийг тээж төрүүлсэн эхээс асуу
Нэг ДОЛОО хоногийн үнэ цэнийг та
-Тэр хугацаанд сэтгүүл гаргагч редактороос асуу
Нэг ХОНОГИЙН үнэ цэнийг та
-Тэртээд алслах галт тэргэнээс хоцорч үлдсэн аялагчаас асуу
Нэг ХОРОМЫН үнэ цэнийг та
-автын осолд ороод шаналж хэвтээ өвчтөнөөс асуу
Нэг МӨЧИЙН үнэ цэнийг та
-алтан медаль энгэртээ зүүсэн аварга сурагчаас асуу
Эцэст нь Та энэ бүхнийг өөрөөсөө асуугаад үзээрэй. Тэр цаг, мөч, хором бүрийн үнэ цэнэ мэдрэгдэх болно.
Өчигдөр бидний хувьд өнгөрөн одож, маргааш оньсого таавар болон хүлээж байгаа. Харин өнөөдөр бол бидэнд оногдсон үнэт шагнал юм.

Цаг ашиглалт амжилтын нууц

Зуун зууны түүхийг зовлон жаргал, тэмцэл, мөхөл мөнхрөлтэй нь өгүүлж чадах цорын ганц хүчтэн нь цаг хугацаа. Гэтэл тэрхүү “аугаа” -г жолоодож чадах хүчтэн нь хүн төрөлхтөн юм. Та яаж? гэж асууж байна уу? Өөрийнхөө хүсэл мөрөөдөл, үйл хэргийнхээ төлөө цаг хугацааг нарийн төлөвлөж ашигласнаараа бид түүнийг захирдаг, жолооддог, бас эзэмшдэг.
Цаг хугацааг үр бүтээлтэй ашиглах хуулинд та бидний ихээхэн артаж орхидог, үл анзаардаг нэгэн заалт байдаг нь “завсарлага “ ажээ. Сэтгэл судлаач Э.Росси “20 минутын завсарлага” бүтээлдээ хүн болгонд оюуны болоод биеийн хүчний ажил эрхэлж байхад үр бүтээлтэй ажиллаж чадах тодорхой хугацаа байдаг. Энэ хугацаа нь ойролцоогоор 1-5 цаг. Үүнээс хэтрэхэд хүн эвшээж, анхаарлаа төвлөрүүлж чадахгүй болж нойрмоглосноос ой тогтоолт нь мууддаг. Энэ нь бие махбод “ядарлаа” гэсэн дохио юм. Ингэхлээр одоо амрах хэрэгтэй гэжээ. Оюуны ачаалалтай ажиллаж байх үед сандлаа түр орхин, аль болох биеийн хүчний ажил хийх ,эсвэл нүүрээ угаах, биеийн тамирын хөнгөн дасгал хийх нь үр дүнтэй арга болно. Ингэхлээр тархины ачаалал тэнцвэржиж тархи амардаг. Үүний зэрэгцээ та бидний анхаарах хамгийн гол зүйл бол завсарлагааны үргэлжлэх хугацаа юм. Завсарлагаа 20 минутаас хэтрэх ёсгүй. Хэрвээ хэтэрвэл таны идэвхи сонирхол буурна. Ийнхүү цаг хугацааны төлөвлөлт эмх цэгцтэй болсноор чиний ажил хэрэг хэрхэн өсөж дэвжихийг харж болно. Аугаа их цаг хугацааг хөлөглөн алсын алсад зорих бидний жолоо залах зүгт гайхамшигт ирээдүй гэрэлтэнэ.

Амжилтын алтан зарчмууд ...

1. "Үхээнц биш урам зоригтой байх" хандлагыг хэвшүүл. Хийгдэж байгаа хөрөнгө оруулалтын урам зориг хүрэх үр дүн хоёр шууд хамааралтай байдаг. Өөрийгөө зоригжуулахын тулд хийх 3 алхам
• Тухайн сэдвийг аль болох сайн судал. Ямар нэгэн зүйлд анхаарал тавихгүй байгаагаа анзаармагц тэр сэдвийг нарийн судал, илүү их мэдлэгтэй бол. Энэ нь танд урам зориг өгөх болно.
• Хийж байгаа бүх зүйлдээ цог золбооотой бай. Таны инээмсэглэл, гар барилт, яриа хөөрөө, тэр ч бүү хэл алхаа тань урам зориг цог золбоогоор дүүрэн байг. Үхээнц байж болохгүй .
• Сайн мэдээ дуулга. Өнөөдрийг хүртэл хэн ч муу мэдээ дуулгах замаар эерэг сайн үйл бүтээж чадахгүй.

2. "Та бол чухал" гэсэн хандлагыг хэвшүүл. Хүмүүст хэрэгтэй хүн гэдгийг нь мэдрүүлж чадвал тэд таны төлөө илүү их зүйл хийх болно. Эдгээрийг бүү мартаарай.
А. Боломж гарах бүрт хүмүүсийг сайшаа. Хүмүүст үнэлэгдэж байгааг нь мэдрүүл.
Б. Хүмүүсийг нэрээр нь дуудаж харьц.
3. Эхлээд өөрөө үйлчилдэг бай. Хийдэг бүх зүйлдээ хүмүүсийн сэтгэлд нь хүртэл үйлчлүүлэхийг үүнийг хууль болгон дагаж мөрд.

Дараах зарчмуудыг амьдралд хэрэгжүүл
.
1. Бусдын дэмжлэгийг олж ав, Хүмүүсийг хайрлаж сур Хүмүүсийн хайртай хүн нь бай Энэ нь таныг дэмжихэд нь тус болж , амжилтад хүрэх хөтөлбөрөө хэрэгжүүлэх эрч хүчийг танд өгнө.
2. Нөхөрлөлийг бий болгох эхний алхмыг та өөрөө хий. Боломж гарах бүрд өөрийгөө танилцуул. Бусад хүмүүсийн нэрийг зөв ойлгосон гэдэгтээ, тэд ч таны нэрийг зөв ойлгосон гэдэгт итгэлтэй бай.
3. бусдын ялгаатай талууд, хил хязгаарыг хүлээн зөвшөөр, хэнийг ч төгс төгөлдөр гэж бүү бод. Бусад хүмүүст ч гэсэн ялгааатай байх эрх бий гэдгийг бүү март. Засаж залруулагч байхаа боль.
4. Эерэг сайн сайхан бодол санааны 2/өөдрөг/ сувгийг сонс. Хүмүүсийн муу талуудыг нь бус , тэднийг хайрлаж, сайшааж, болох сайн талуудыг нь олж хардаг бай. Хүмүүст танд бусдын тухай буруу, эндүү ташаа ойлголт өгөх боломжийг бүү олго. Хүмүүсийн тухай эерэг, зөв бодол санааг агуул. Ингэснээрээ та үр дүнд хүрэх болно.
5. Амжилтад хүрэгсдийн адилаар бусдын ярихыг нь сонс., тэдэнд ярих боломж олго. Өөдөөс чинь харж байгаа хүн өөрийн үзэл бодол санаа амжилтуудынхаа тухай яриг.
6. Хэзээ ямагт эелдэг бай. Энэ нь бусад хүмүүст , танд ч гэсэн таатай сэтгэгдлийг төрүүлдэг.
7. Ялагдал хүлээсэн үедээ бусдыг бүү буруутга. Ялагдал хүлээсэн үеийн бодол санааны төлөв байдал хэзээ ялалт байгуулахыг тань тодорхойлдог гэдгийг бүү мартаарай.

Идэвхтэй байх зуршлыг бий болго.

1. "Бүтээлч сэтгэлгээтэй" бай. "Үхээнц" биш "Бүтээлч " байж ямар нэгэн зүйл хийж бүтээ.
2. Хэзээ ч нөхцөл байдал төгс төгөлдөр болохгүй, тийм болохоор бүү хүлээ. Ирээдүйд асуудал бэрхшээл гарна гэдгийг мэддэг бай. Харин бэрхшээл гарсан үед даван туул
3. Санаанууд дангаараа амжилт олохгүй гэдгийг бүү март. Санаанууд зөвхөн бодитой хэрэгжсэн үедээ л үнэ цэнтэй болдог.
4. Айдсаа даван туулж өөртөө итгэхийн тулд идэвхтэй бай. Айж байгаа зүйлээ шууд хийгээд эхэлбэл айдас дорхноо үгүй болно. Туршаад үз.
5. Оюунаа дайчил. Онгод орж ирэхийг бүү хүлээ. Шууд эхэл. Тэгээд цааш нь үргэлжлүүл. Тэгвэл танд онгодоо хүлээх хэрэгцээ гарахгүй.
6. Эргэн тойрноо "Өнөөдөр" -ийн нүдээр хар. Маргааш, ирэх долоо хоног, дараа гэх мэтийн үгс нь амжилтгүй байдлын илэрхийлэл болох "хэзээ ч үгүй"- тэй утга нэгтэй. "Би шууд ОДОО эхэлж байна" гэж бай.
7. Даруйхан ажиллаж эхэл. Эхлэх гэж оролдож хугацаагаа бүү үр. Шууд л үйл ажиллагаагаа эхэл.
8. Санаачилгатай бай. Мөлхөхийн оронд гүй. Сайн дурынх бай. Дотроо байгаа гүйцэтгэх" авьяас, хичээл зүтгэлээ харуул.